شلونك - صالح عبدالكريم
مدخل طوارئ :
الصباح اللّي بلا صوتك
يا عمري
مو صباح
.
.
.
شوفي حتى إن العصافير
هجرت
شمسه و فيّه .!
صباح الخير يا قلب بنبضاته عرفت الخير
صباح الطُهر يا عمري بدى بتفتيحة عيونك
أنا من حزة الليل وذنوبي تستخيرك مير :
خذاها من التعب وجهي بعد ما اتفقو يجونك
غريبه : قصة الغربه و الأغرب قصة التقصير
إذا ما انكتب للوصل : عُمر وساور ضنونك
وش أحكي:المدى ورده واحلام الطفوله طير
وشباك اللّقا والليل ثلاث أيام يطرونك
رسمتك للحنين قلوب أملها فالحياة صغير
ونفخت الصدق فيهم لين ما صارو يحبونك !
وجاي الحين تسألني : تضايقت بغيابي كثير
أجل ما تدري إني كل ما فكرت أب آخونك :
أحس روحي تبي تطلع أحسّك تخطي التفسير
وتُمر كل لحظه بعمري قضيته معك وبدونك
وأهز راسي وأنا أدوّر لزلة خافقك تبرير
وأراجع كيف كنّا نصون : عهد الحب وآصونك
"حبيبي" والله ما فيني تعبت أشتاقلك وآغير
بموت من الصبر لا تكون ناوي : تجدد طعونك
تخيّل من كثر ما أخلفت ظني بفطنة التفكير
أخاف أطريك بين الناس وأسهي ثم يشوفونك
حسافه : والعبث أصل الحقيقه والفضا تصوير
وشوّال الوعد أقفى وهو ما حرّك شجونك
تخليني أفضفض لك أقول أنت بخفوقي غير
بعَْدها تقول خلّ الشعر ولاّ ب أقطف جنونك
يجيب الله : ضلوع جداد تقدر بالنهايه تصير :
على قد العشق دامك نسيت تقولي شلونك !
مخرج طوارئ :
كل ضلع ٍ لا طريت إسمك
تغافلني
وطاح
.
.
.
كن ربي ما خلق بالكون
لك :
غيري
ضحيّه ..!