يبه .. وينك - صالح عبدالكريم
يبه .. وينك وأنا لا ضاقت بوجهي السنين أدعيك
تعبت من الصبر .. والصمت أحسّه يا يبه قاسي
حرام الموت ياخذك .. ويخليني أفكر فيك
تعال .. ردّني طفلٍِ بحضنك .. وإلعب براسي
يبه .. واللّي خلقني من ظهرك أحتاج لك وأبيك
أشوف بصورتك طُهر الزمان.. وفورة إحساسي
مضى عمري .. وياليته وقف قبل أفقدك وأبكيك
مدام إن قلت أبسلى عنك أضمك..سالي ٍناسي
يا ويلي.. كل ما برّقت شفت أقصى الوجع يرثيك
يا ويلي .. حتى لا من قلت ويلي.. إنفتق باسي
وأنا .. وإستغفر الله لو.. بيدّي .. قُربة ٍ .. تحييك
لاقطّع لاجلك..اجزائي ..عروقي ..ألفظ أنفاسي
تخيل.. لي إيلين الحين "سبع طعشر سنه"أرجيك
كبرت.. وكبرت جراحي.. بعَْدك .. وهدني ياسي
وإشنّي عاد باقي له.. مدامي لا هربت.. أجيك
وأغثّك..لين ما أجلس بحظنك .. وتلعب براسي ..!