غريبه - صالح عبدالكريم
غريبه
محكمه مكتظه مرّه
مافيه مجال تدخل أبد
كل طالب
يقاضي طليبه
غريبه
احيان من حقده يجرّه
تسمع لعان و شتايم
تحسهم مثل البهايم
ليه !؟
لاجل تراب دنيا ..
كل واحد ٍ
قاضى قريبه
غريبه ..
* * *
غريبه
رجّال
ما يكسره
ضيم
ولا تعب
ولا مصيبه
إنكسر
بأول نهار
وادعه
حبيبه
غريبه ..
* * *
غريبه
الطفل لا قالت أمّه
يعووه حبيبي
هذا مو حلو
وش تبيبه !
كانه متربي
" بيسكت يقتنع "
كانه ما تربى
" بيفضح والديها " :
مام دبا
ماما حماره
بس يسكت
لا لمح خشة ابوه
أو انهم
خضّو حليبه ..
غريبه ..
* * *
غريبه
عالم ذرّه مسلم
كان حلمه :
صُنع إراده
قال لو اُقتل :
شهاده ..
بس أبي بوش و صليبه !
غريبه ..
أطلبه حاكم بلاده
إسجنووه
ليه يحلم !!
دامه ما حس الهوان
كل خطواته
مُريبه ..
غريبه !؟
* * *
غريبه
جامع حي ّ
توه اُفتتح :
شكّلو جماعه له ..
واحد من اقصى الشمال
واحد من اقصى الجنوب
وقبل أول
سجده فيه ..
حددو منهو
خطيبه ..
غريبه !!
* * *
غريبه
بيت من بيوت الله
يُهان
تدخل كلاب الصليب
تنجسه
منظر تكرر
كثيير
لعنبو حظي اشوفه
يحتمي به
غريبه ..
يدمع من الضيم :
دم
وحنا نسأل :
مات كم
شعور ناتج عن
مصيبه ..!؟
غريبه .
* * *
غريبه
ثنين ..
تو تخانقو !؟
بينهم واحد يفارع ؟
صار كل الشوت
فيه !
صار كل السب
يجيه !
.. مسكين
يا قلبه .. مُزارع
ما ترك للحين :
طيبه ..
غريبه
* * *
غريبه
الموكب
اللّي فيه شخصيه مهمّه !
يا وزير
يا امير
يا ضرير
تلقاه هو جداً طبيعي ..
مع كل فقير
يتصرف .. بفطنه
وهيبه ..
غريبه
واللّي معه يتصرفون
كن خلق الله
حمير ..
اوامر
ابن امك تعيبه .!
غريبه ..
* * *
غريبه
أخ
ياكل لحم
أخوه
والدوافع
.. غيبه !
ما يخاف
الله
يعني
يأذن
بتعذيبه ..
غريبه
* * *
غريبه
سعودي
من 6 الصباح
في دوامه
ما يتأخر
وما يغيب ..!
ما يقول مودّي
امي للطبيب
أو مات احد ٍ
من عمامه
أو
ما اخترع قصه
عجيبه .
غريبه ..!
* * *
غريبه
فتاة
لابسه بنطلون
والعباه مخصّره
وعطرها يسابق خُطاها
وداخله تصلي القيام ؟
تسمع بُكاها السما
وانفاسها لله
مُنيبه ..
غريبه
سلّم الامام : قامت
نسيت دموع الندامه
وإمسكت بيده لثامه
وّقفت بالباب !
تأخر سائقه
وراحت
تجيبه ..
غريبه !؟
* * *
غريبه
المثقفين العرب ؟
كذبه من أجل الحقوق
كذبه من اجل العقوق
الكل ماسك له طبل
ويطبلون ..
في كل محطه يطالبون :
ب إلغاء ادوار الرُعب
تغيير افكار الشعب !
ياهي مصيبه ..
غريبه
مو بعضهم
قبل أمس كان
مواطن برتبة : سروق
وبعضهم فكره : حداثي
ومتأمل إنا
نقتدي به
غريبه ..!؟
* * *
غريبه
بنتين
وبنفس العُمر ..
وحده مو مرّه جميله .
يعني
عادية ملامح !
بس تجذب ..
وتحسها
لقلبك قريبه
غريبه
وحده لا قالو جميله
قل جميله ..
حُسنها يكفي قبيله ..
بس تكذب ..
وزود عن ذلك :
كئيبه .
غريبه !
* * *
غريبه
كل من إنحلّت
اخلاقه
يسمونه " مُفكِّر " !؟
خلاص
هو بس الوريث
لأخر
شياطين الحديث
حتى لو كان.."متنكّر "..!
كل شي تلقاه
يحكيبه
غريبه ..
لو يدّعي إنّه نبي
من حقه
نحبي له حبي ..
مدام خاف
اللّي
يخاف :
" فذكّر إنما أنت مذكّر "
وصاح بأسمه
كم غبي ..!؟
وكلاً دري به
غريبه ..!
* * *
غريبه
كل الدول المتقدّمه !
عنده حقوق إنسان
لو يتهرّبون ..
عنده حقوق إحسان
لو ما يبيّنون ..
إلا العرب
إلا الدول المتهدّمه !
قصّه عرفناها
زمان :
لا بانت عقول ٍ لبيبه
خلّه
بدون لسان ..
وتهدي لك
نحيبه !
غريبه ..
* * *
غريبه
شين طفران أثرم ..!؟
قال لأهله :
ودي أعرس .
دوّرو لي
"دامي اضرس " :
بس أبيها :
مت
وعمره صغيّر
ونحيفه
وتدرس ..!
أذبحتني
نانسي عجرم
كل ما نمت
التقي به
غريبه ..
ما يناظر في :
المرايه
يدري إنه
صدق أجرم
ويبطي ما احد ٍ
رضي به
غريبه ..
* * *
غريبه
مُجتمع مُسلم مُتخاذل !
ينبث :
من الحلم .. حلم
يطلب :
من الذُل .. سلم
.. و .. الامّه في فتره
عصيبه
غريبه
تلقاه يخاف من السياسه
وما يحكي ..
تلقاه إذا مباراة كوره
ما يحكي ..
تلقاه إذا كانت أغاني
ما يحكي ..
بس إذا ب الدين
عادي
الكل يحكي
.. بدون علم !
كن شرع الله
بجيبه
غريبه
* * *
غريبه
بعض هذا الجيل مايع
ما يردّه دين
أو عيب
أو غصيبه
غريبه
ما تفرّق الرجل من المره
ما تفرّق المره من الرجل
كلهم متشابهين
فكر هموم طبايع
نارهم تضمر :
لهيبه ..!ّ
غريبه
* * *
غريبه
بعض هذا الجيل صايع !
واصل لحد
العفانه ..
تخاف إنك :
تبتلي به
غريبه
منتهي
ما له أهل
عايش الدنيا
بجهل
لو نصحته
ما هو طايع
ولو يموت
محد ٍ دري به ..!
غريبه
* * *
غريبه
بعض هذا الجيل
طيّب ..
بس جايع .!!؟
شبه معدومه : حياته
كيف ما ودّك
يبايع
ما كسره إلا الغبن ..
ما كسره إلا الفقر :
وفتات خبزه
يلتهي به ..!
غريبه
* * *
غريبه
بعض هذا الجيل :
ريع ..
مثل ما يقوله : نمر .!
عاقل ٍ في كل شي ..
عارف إن الوقت غي ..
لو تضيع الناس
يبقى مُتزن
وما هوب ضايع ..
يا عسى المولى :
يثيبه ..
* * *
غريبه
كل من يبغى يتمسك :
ب المبادىء !
يصير يُنعت ب الكلام
إنّه " بأحاديثه متكلف " ..!؟
ب أختصار .. إحنا بزمن :
إما تصير .. قليل أدب
في كل نقاش !
أو تعتبر :
" رجعي متخلف " ..!؟
ونظرتك دايم :
رتيبه ..
غريبه
* * *
غريبه
الكل منّا مؤمن ٍ
ب إن له عِرض و محارم ..
ب إنه إيخاف العقوبه
لا انزلت " تُلغى المكارم " !!؟
بس :
إلين الحين فينا ..
كم خسيس ٍ لا عطش :
يلحق
ستر
غيره
و .. يعيبه !
غريبه
* * *
غريبه
ما عمِلنا :
ب إذا بُليت
ف إستتر ..!
ما رضينا :
ب اللّي ما يُكتب
عسِر ..!
وإن كلاٍ له نصيبه ..
غريبه
* * *
غريبه
ما بقى للبطحا سوق
صار بهذا الوقت كخّا
صار عيب
صار :
وخّا سيدي وخّا ..
صرنا ما نسحّب خطانا
زي أول :
كننا ندور " كما "
صرنا مثل اللي مسكه تفتيش فجأه :
ودّه يلخمهم
نزل من موتره .. كنّه " عمى "
* * *
غريبه
تحس إنّه
ما يتحرك فيك شي !!
يعني:
لنتا ميّت .. ولنتا بحي ..!
لو تفكر بس لحظه بما يصير :
إنخلق مليون ليه
وإنكسر مليون ضي ..
وإنقلب راس المكان
اللي من أول تهتدي به ..!
غريبه
* * *
غريبه ..
يسألون :
ليه الخلفاء الأربعه .. إسمهم :
( الراشدين ) ..!
وليه سمّو .. خلفاء ..!؟
حتى شكل المفرده اُلغي
وحل مكانه مفردة ال غي ..
وصار اسمه .. خلفاء :
همزه من وراها تعتعه
من وراها خوف .. أو .. رمي أمتِعه !
أو .. نهاية أي شي ..
القراءه في العصور
اقرب طريق للهرب ..
اقرب طريق ..لله .. لل .. رب !
كيف لا زاد القصور
كل هالعالم خرب ..!
وصارت النظره كئيبه
غريبه ..
* * *
غريبه
طموح إيراني فاخر
ينسج من اللون .. آخر !!
حلمه " هلال " ..و.. 3 " دول "
ونقشه على الأطراف .. زاخر ..!
مدّه على طول البحر
وباليابسه ينخر نخر
من يحترم فكر الشعوب
يصدّر الثوره ..و..تحر ..!؟
لابد :
ما الأرض تشرب .. ماءها
ولابد :
ما تظهر .. بواخر ..!!
والنظره ابعاده :قريبه .!
غريبه
* * *
غريبه
نهتف ب صوت الوطن
لو نلبس الفرحه .. كفن
نفزع له أسرع من :
( تسونامي )
ما همّنا : قول البعيد
ما هزّنا : فعل البليد
وأفكار .. مليانه عفن ..!؟
حقيقه نشعر بالأمان
دام الولاء فينا كيان
بنبقى عن السنّه .. نحامي ..
لكن ؟
نبي نبقى نعيد
إن فيه .. تجر .. و .. عبيد
مدام باقي بيننا
أربع جهات للنفاق
من خلفها : كم ٍ حرامي
وخيانة الواجب ضريبه
غريبه
* * *
غريبه
حاولت أدوّر فرق
بين
الفيل .. و .. النمله
يمكنّي أقدر لا قدرت
تُكتب براءة إختراع ..!
يعني :
بس وقفت علي
يوم إن غيري إختراعه
يحرق التاريخ حرق ..!
لقيت إن
تحوّل الحاله الصلبه إلى غازيّه
لا يمكن يؤثر
بس تصاعد .. لون أصفر
تبعاً : لحالات ( التسامي ) ..!؟
ولقيت إن
الفيل : رجلينه تنمّل
.. و ..
النمله : رجلينه ولا يمكن تفيّل ..!؟
حدّه من العيشه دبيبه ..
غريبه
* * *
غريبه
الكتابه .. بوح
والقرّاء .. صوت
لو : وصل عمر الكتابه .. للنحف !
والأوادم روح
بأي لحظه تموت
وترفع الأقلام .. وتجف الصحف !
وكلٍ يلاقي نصيبه
غريبه
لجل هذا .!!؟
من قطف للناس توت :
وسلّم أمره و نيته " لله " ونام
يدري إن حوله .. ملائكة ٍ تحف !
غير
من يرمي الشتيمه .. للبيوت
ويلحق أستار الخلايق ب الحرم
مثله مثل : الداب
لا جيته .. زحف !
ناسي إن الله حسيبه
غريبه
* * *
غريبه
نحاكي العيد : قبل لا ينبلج صبحه .!
تمّت من ثلاثين رحلت ..
واستبشرت ربحه
ذكر رب ودعاء وخشوع
سلام ود وقرب وطوع
وجوارح كل ما ملّت .. تلت بعد الملل : تفكير
ايلين تعوّدت ذبحه !
وفاح من العرق طيبه
غريبه
ليه ما يبقى رمضان بعادته .. عاده
" إلا من رحم ربي "
اقلّه في سلوكه بس !!؟
يحس إن الوجيه تحس !!؟
يكف عن البشر .. قُبحه
قبل يحرق تراحيبه
غريبه ..