و عشقنا بعضنا - صالح عبدالكريم
ليت السما .. خاتم .. وّجه القمر .. فص
وأقدر يا عمري ..أقدمه.. لك هديّه
وليت البحر ..بأمري..وأنا ارص لك رص
رمله و ماه .. و ثم الاعبك زيّه
أو ليت الارض .. بكيفي .. أقصها قص
وأجمع لك .. ورود الزهر .. في يديّه
دامك حبيبي دنيتي .. وشتبي وَص
لك ما تبي .. منّااا .. إيلين المنيّه
قلبي .. قسمته بيننا .. النص بالنص
قلت : الله اللي قاسمه .. لك و ليّه
وعقلي ..اخذته ..قلت: فخاطري أص
من زينه أصلاً .. خل .. يبلش بغيّه
بس صحَّتي .. تكفى ترى ما لها خَص
يكفي تردّت .. بعد ما هي قويّه
ما تدري : إن العبره .. بعيني تغص
لا قمت افكر ..من هو فينا الضحيه
فجأه ..عشقنا بعضنا .. والعشق لص
يسرق .. قلوب ٍ .. ما نوت بالخطيّه
تعال : قص حكايتك .. لي .. وانا اقص
حكايتي .. لك .. بس خذها .. وصيّه :
الحب ياااهو سُهد .. شف .. مصني مص
فكّر ..! قبل تصدمك الايام .. فيّه