عصفورك - أحمد المطوع
مدخل
و اعدّي بك عَبَثْ ليلٍ تعلّق في عيوني
,,,,,,,,,,,,,,,,,,,,,,,,,,,,,,,,,,,, عيونك لو تبي تقرا :
ب آخذك من عيني
غصبٍ على يديني
و احطّك ب قلبي
لا تشوفك العذّال
و اطيح من عيني
بعض ( الملامح ) همّ
تكسر شموخ اصحابها
ف عيون شايفها
لو شفتي ه الأحداق
اللي تملّت بك
كان ( الألم ) أوراق
وحبرها دموعي
و من خوفي و جوعي
شتت ملامحها
طيفك و راودني
عن غفلتي ليلة
و لقيتني مفضوح
من كثر أشيائك
اللي بقت فيني
كان ( الأمل ) عصفور
فارد جناحينه
ب الحيل متفائل
و طااااااح من كلمة
باكر ب تلقاني
و كل مايجي باكر
يطييييير ه العصفور
كنّك تشوفينه
بالله قولي لي :
ما يكسر الخاطر ؟
مخرج
بَعَضْ اشيائك ب صدري
و بَعْضي مَزْبَن اعبائك