لون الحياة - أحمد عبدالمحسن
لون الحياة بنظرتي حيل داكن
عايش فقير ولقمتي ماتبيني !
الليل علّقني على الجرح لكن
الصبح نزّلني على دمع عيني
الفقر يمّه بين الاضلاع ساكن
انفض غباره بس ينفض سنيني
تعبت واحلامي بصدري تباكن
والضحك يمه صار دينه وديني !!
لا يادموعي صدق (مالي سواكن)
أشوف أنا حظي وتقصر يديني !
هِلّن ودم (الغبن) يجري وراكن
مدام (تمثال الذهب) صار طيني
يا (أقساط) مالي ف النهايه سواكن
ياجوع قلي وش تبي من ونيني !!