تمريرة - أحمد عبدالمحسن
تسربلت الظلام وطاحت عيوني وانا هـ الحين
ادوّر لـ المواجع ظل دام الناس لمّاحه
نقشتك يازراق الماء فخر في لوحة الغالين
تبات عيون عسعسنا مابين الجد ومزاحه
بكيتك مو أنا وحدي بكيتك كلهم باكين
رثيتك ماكترثت لـ صاحبي لو زاد بصياحه
تخايلتك مثل برقٍ رفيفه يرهب الغاوين
تحدرتك مثل قلبٍ غرق في غبة جراحه
سمآ دايم تذكرني بوجهك وأتحسر لين
يجف الدمع وتفج الخفوق طعون ذبّاحه
زرعتك نور ف الظلمآ وأثمر من يدينك تين
وبدى ديجور رحلتنا معاك يشع مصباحه
ولكنك ترجلت بـ دعاء وتمتمه وآمين
رقت روحك على أكتاف السحاب هناك مرتاحه
زغاريد 12 تسمع صداها عند سور الصين
فتح صدر النفاق وضحكة التزييف صدّاحه
أنا وشلون أبشرح لك قضيه والملا لاهين
مابين البرتقاله تنقسم ! وتصير " تفاحه "؟