أنفاس - أسعد السحيمي
لاعاش منهو قال : ما للهوى طب ّ
طب الهوى ياخوك وصل وحشيمه
مره تحب الحب ومره له تسبّ
عجزت ألاقي في سوالفك قيمه
نار القهر بالجوف تدري متى تشبّ
لا صرت تعشِق والخيانه قديمه
تدري وش أجمل شي وأنقآآآ من أللبّ
لاصار حبك في نوايا سليمه
وتدري وش أصعب شي في قصة الحبّ
إن العواقب ف النهايه وخيمه
يعني كذا أدق وأدق وأدق ّ
وإنتا ولاتهتم في إتصالي
مدري تغلا وألا من كثرة النق ّ
حال البشر مابين غالي وغالي
إن كنت متعمد أبلزمك بالحق ّ
وإن كان حسد الناس فالرب عالي
وإن كنت مشغول ٍ عليّه تَرفق ّ
ياخي تراك أشغلت قلبي وبالي
مشتقّ منه أنت وأنا منك مشتق ّ
( روحين ) نبقى بوجه سود الليالي
يعني إذ أنت تغيب عنيّ ترا آآآطق ّ
وعقب الحقيقه صرت ضمن الخيالي
ودي أذوب بداخل العطر وآآآذوب
في كل رشه يالغضي من يدينك
وترشني ريحة غرام ٍ على الثوب
وأصبح سجين ٍ بين ثوبك وبينك
ماتوب لو قال البشر ياولد توب
ومايلومني من شاف حسنك وزينك
وأنا من أول مانظرتك ويادوب
ألم شمل الشوق وأرجي حنينك
والله لولا الناس لاحطك بكوب
وأشرب وأنسآآآ وأسألك أنت وينك؟
بس الحيا عيّا على جرأتي نوب
وإليا سمح ضاعت بنظرات عينك
ماهو ضروري تسمعيها من (إ) شفاي
ماهو ضروري آقول إني أحبك
بس الضروري يابعد كل دنياي
إنك تحسّ بكلمتي وسط قلبك