عابر سبيل - أسعد السحيمي
بكل بساطه وكل جرءه مين أنا؟
منت خايف لو أحاسيسي حكن
أخاف أول : ويطمع العاذل بنا
وأخاف أشوف الحب ضايع مندفن
أنا الذي ماتعرف أنك به هنا
وأنا المشاعر في خفوقي لك وفن
عابر سبيل وشاف عينك يالضنا
لقى بعينك يالغضي أول وطن
ماغرّته نظرة جواهر أو جنا
إلا عيونك في عيونك إنفتن
وانا ألذي ماذاق بالنوم ألهنا
وأنا الدخيل ألي بأنفاسك زبن
وأنا ألذي لاشفتك يموت ألعنا
وانا الذي لاشفتك ألامي هدن
وانا الذي شاب بوصالك وإنحنا
وانا الذي شاف بغيابك له كفن
وأنا النخيل ألي لبسمتك إنثنا
وأنا الظلام ألي بنسماته شجن
حر ّ وتعدّا في طريقك من سنا
ثم ٍ تمشكل في عيونك وإنسجن
سجن ٍ مؤبد له من أعماقي ثنا
سهير وعيونه لك الله ماغفن
وأنا البعيد وجمع الله شملنا
وأنا القريب ألي بمنديلك سكن
أسأل خفوقي يوم حبك إنبنا
في ناظري مابين رمشي والجفن
بترابه المنثور ياماااا لمّنا
وبعلى السما روحين ما مره شكن
تعال نغرق في شواطي حبنا
مادام كل النوايااا بك صفن
تعال نروي بالمحبه عِرقنا
وأمسح دموع الي من أسبابك بكن
تعال وإنسى ياحبيبي مين أنا
أصلاً ( أنا) في حضرتك ماله ثمن