حبيبي - الحميدي الثقفي
حبيبي مانت لي وحدي حبيب ولا حبيب الكل
كثير اللي يحب ويمتلى ويفيـض فنجالـه
دخيلك لاتحاصرني حبيبي بين شمس وظل
انا مثل المطر مثل القدر مثل الشعر حالـه
انا مثل البحر قالت له امواجه تكلم .. قـل
ولاقال البحر كل الكلام اللـي علـى بالـه
انا اللي الف نجم ٍ اهتدابي والف نجم ٍ ضل
سرى من شرفة الغيم البعيده ينفض ظلاله
تقول امي وهبني شعري الخلاق عز وجـل
جمعت الها النجوم اف ثوبها وابتلت اسماله
احبك .. لاتصيرها على اوراقي سؤال وحل
دخيلك ياحبيبي من جواب الحـب وسؤالـه
اخاف اقولها ويجف ورد ٍ بالظنـون ابتـل
وانا ماحب اكون الشاعر اللي يبكي اطلاله