همومي علي ملتمة - بدر الخالدي
غنيت وهمومي علي ملتمه
وهموم خلق الله معي منظّمه
ازعج بصوتي لجل يبرد جاشي
لو إن جاشي مستوي من همه
ما دامني شاعر ، معتليٍ لي منبر
ياجب علي انظق بصوت الامه
إما غنات الذيب ، والا فقره
موت الفؤاد ، ولا ممات الذمه
إنموت حنا روسنا مرفوعه
خير من نحيا بليا همه
حنا عرب ، والاصل موطن واحد
بس الصحيح ان كل قلب بيمه !
اكبر دليل ان كم شعبٍ فينا
اكبر حقوقه ، كارثه ومطمه
الاوله : شعب الحجاره ينزف
دمه ولابه من يوقف دمه
شعبٍ حياته كنها مرثيه
قصيدةٍ من شاعرٍ يرثي امه
والثانيه : لبنان ياناشدها
عن حالها ، من حالها منطمه
اليوم باتت ما عليها رّيس
والله وكيل الغد ويش يطمه
وبغداد ثالث نكبتٍ منكوبه
من المجازر ممسيه منسمه
كنها حلايا وجه طفلٍ يبكي
مضيوم ، ومجّوع ولاحدٍ ظمه
سكّانها شايش وينخانا
ويطر جيبع عقب ذب العّمه
أوضاع لو نشوفها بالمجهر
ما يضمن الرّواي يرد الجّمه
كم من عيونٍ غارقه حاجبها
ما فيه من مش الدموع ، بكمه
ستين عامٍ ، والقمم معقودة
لكن ويش الفايده بالقمه !
تكفون يا قاداتنا وأحيونا
نفوسكم بأمثالكم منزمه
نبغى السلام يعم شعب الموط
ن
بقول قولي ، وايتقول قولي
مانيب من قول الصداه ، بفمه
العرب جرحٍ والخياطه القاده
ويا كبر فتكه صعيبٍ لّمه
واليا التحم يصعب لغيره فتكه
هذا كلام اللي عوى من همه