الطفل والبسكوت - بدر غازي
ياجنتي طفل الشقى إبخافقي صاح
فضح سكوتي والبشر حولي إسكووووت
ضمّيه يدفى في حنانك ويرتاح
لايذبحه جوعه وأصابعك بسكووووت
ياكبر بابك بس من غير مفتاح
وياكبر هالدنيا وهي بطن تابووووت
بيبان حزن وبعدها (باب) الأفراح
ولاكل من جاء له يبا إيفوته إيفووت
ياهيه ياعمري يامجموعة إجراح
يا فقر / يا أغنى حبيبه يا ياقووووت
اللي براسي ضد هذا الزمن طاح
ماعاد أبي غير السلامه مع القوت
يبْست غصون العمر وإجروحك إرياح!
ياريح غصني صار يابس ومحتوووت
ماعاد باقي غير شاعر ومسباح
وانتي ماباقي بك سوى ريحة التوت !!
أما أرخي أهدابك وخليني أرتاح
وأخذيني أجمل شآعرٍ مامعه صوت !!
والا [بدر] لاراح لاراح لاراح؟
ماعاد يرجعلك ولو قدْمه الموت !!