بندق وبارود - بدر غازي
قصيدتي بندق والافكار بارود
والغايه العليا هدف كل رجّال
ارد على بيرٍ من العام مورود
والحمدلله عندي حبالٍ طوال
ابوجد اللي لوّ ماهو بموجود
يوجد عشان الفكره اللي على البال
قصيدتي ليّه عسى حظّي ايزود
والله يبارك ليّه ابكل الاعمال
ابجتهد والشعر من غير مجهود
كنّه يالا له يا لالا لاه يالال
اما شعر مايلحقه اي منقود
والا بلاش امن الشعر كل الاحوال
شعرٍ خياله واسع ان زدته ايزود
حديثه ايذكرك باوصاف الاطلال
ماله حدود الا حدود الله احدود
اقف عليها خوف واخْشوع واذلال
وبيض الليالي حذّرتني من السود
والصبر يخفض همّة الرجل لاطال
وانا على الايام والظرف والكود
اصبر من الدنيا على فرق الاجيال
في العسر ابمشي واقف ان صارت اسهود
لنّ السهل ميدان لاقدام الانذال
والمجلس اللي مايوقّر به العود
ماوالله اشرب فيه لو ربع فنجال
ماللبنادق لازم ابدون عبرود
والخيل ماتستاتي لغير خيّال
والرجل في الشدّات مثل ازرق العود
الجمر تحته لكن الطيب مازال
قصيدتي هذي واذانيكم شهود
ان كانها ماغير يالا ل يالا ل
ماعاد اوقع مع وزن شعري اعقود
والفكره اللي اف/ بالي اتموت في البال