ماشفت من يشبه لحزني - بركات الشمري
ماشفت من يشبه لحزني سوى حزني
تعال واقرا الملامح داخل الصورة
حنطة مآسي وحاول يوم تخبزني
تلقابي إنسان عاش ولاعرف دوره
الخوف توّه " يامال الديم " ينغزني
واحلامنا البيض " شوف العين " مذعورة
لا ماخبر شي في ذا الكون يعجزني
إلا اني اشوف حلمي منطفي نوره
تعال رتّب حنين الأمس وافرزني
تعال واهدم جدار البُعد مع سوره
تعال قبل إيتساقط هالتعب هزني
ابيك تجني قبل تجني على شعوره
تعال وإن شفت حزن ٍ يشبه لحزني
انسى الملامح وصاحبها مع الصورة