ضوى ! - بركات الشمري
ماضواك الشعر ياقلب الخيال
ولانصيتك قاصد ٍ منّك دوى
شاعرك مجنون لاميّل اعقال
كيف أجل ( لاحب) واغواه الهوى ؟
جيت أذوّق حضرتك شعر ٍ زلاال
واسمعه لاجيت أغنّى في " ضوى "
غادة ٍ لامن مشت شارع تعال
شوف وشلون " الزهر " يقلب هوى
كل هذا لاجل لاجاها مجال
وشمّت انفاسه يجي " معهن " سوى
والشجر لاميّلت من صوب مال
ولابعدت عنّه تنهّد ثم ْ ذوى
وحبتين التوت بين البرتقال
أذكر إن الغيم سمّاها الدوى
وأذكر إنه دار في ذهني سؤال ؟
( أرتوى ؟ يمكن لا لا مارتوى )
ثوبها اللي ينعم بعز ودلال
وااهنيه بس ملعووون الثوى
ولاحكت ( هذي ولا فيها جدال )
تطبخ اعصابك على جمر النوى
أصعب من السهل في كف المحال
وأسهل من الصعب في قلب ٍ هوى
كل شي ٍ لامشت تمتم وقال
( ودك إن كل النسا تشبه ضوى )