سو الذي براسك .. - بسّام الفليح
جاني يقول الحب وش فية حاسك
الحب حاسك جايّ تسألني أشفية
ماتدري يعني لية ؟من تحت ساسك
الحين ؟ عني تغيب وتقول لي لية
حلوة حبيبي منك ياقو باسك
حلوة ولكن فوق هذا أمشيّة
مازلت ماسك فيك وآضل ماسك
مجنون أنا عندي حبيبي أخلية
عاجبك مو عاجبك يرضي أحساسك
يرضية مايرضية علّة لايرضية
تصيح تسكّت تستميت أتماسّك
صوتك رفعتة مارفعتة تو طية
كبرك مو كبرك عاد هذا لباسك
أتقطعه ترقعه تلبسه ترمية
الثوب دامة مايجي في مقاسك
الثوب ودك رقعتة منة وفية
مو بس أنت تسّوي اللي براسك
حتى أنا اللي براسي أسوية
حلمك بنيتة في طموحك وياسك
الحلم حلمك بالطموحات تبنية
حلمك بنيتة وأنهدم باأنتكاسك
بة أحْد يبني حلم حلم يهدّمه بيدية
أن مرني طيفك غرق بانعكاسك
مثل الفراش أطير وابقي حوالية
مو مثلك ابقي غارق في نعاسك
بالعكس أنا اسهر وطيفك ادراية
طالع أثرك وخطوتك من مداسك
الريح أقوي وقوة الريح تميحة
هذا الشجر مااكسرة ضرب فاسك
بعض الشجر من ضرب فاسك تقوية
العقد عقدك والقلادة وماسك
العقد اصلآ عنقك اللي محلية
شكوكك فاأمري وامر التباسك
الشك دايم يرتبط بامر راعية
مافية بعد ماذقت انا مر كاسك
خلص بعد مافية ( منيه .. منيه)
والحين ياللة سؤ اللي براسك
وأنا بعد اللي براسي أسوية