من يوم صندوق الحشا بالخفا بان - تركي بن حميد
من يوم صندوق الحشا بالخفا بان
والعين سهرت بين هم وهوجاس
البارحه جفني عن النوم سهران
كني عليل مسهره بعض الاضراس
علىآ جواد ضالع غب الاكوان
فيها اختلط حبل الرجا هو والايأس
جندرتها من صوف سلك وريمان
وانا لها عن لذه النوم حراس
ماني مجندرها على زود الاثمان
الا ليوم فيه الاريق يبأس
لاجا نهار فيه روغات الاذهان
باغي عليها باول الخيل نوماس
عرجا اليا ماطبحن خلف الاظعان
والسوق مابين الاجاويد مقياس
ياعبيد قيس ماعلى الروم ضمان
رزقك مع اجلك حط في طلح قرطاس
ماخط لك مافات شوف بالاعيان
وبعض الاوادم مامعه ميز وقياس
لا حاسد يمنع ولا يرزق انسان
الا بتدبير الصمد والي الناس
ثم انصح الباقي ترا القصر خربان
ماعتز قصر ما يوثق علىآ ساس