البوم احباب - جمال الشمري
شعر وابريق شاي وأرصفة وكتاب
على هالحال اصحى بي ل اصحابي !
تصوّرت المنافي ماتجيب أحباب
كثر دمع وقف في شُرفة أهدابي !
رحلت وكل ضلع من ضلوعي ذاب
ومرّت سكة الغالين ب كتابي
ولا ادري وين اروح وهالجهات غياب ؟!
تنادي والتفت ! وتمر احبابي
وجيه تنهب احداقي وترّف اسراب
من أقصى غصن اصفر بي والقابي :
عصافير الضحى "فراشي" صرير الباب
تباريح الصباح "الديك " العابي
ثيابي "الجرد" من أول ندى يغتاب
ل ريحة خُبز أمي لين شذابي !
وتخيّلتك ! تدوزن دفتري أعشاب
وطارت من حمايم روحي اسرابي !
يابو ثغر عطى النسرين والعنّاب
حياة ! وورّدت "توتيه" ب اسبابي
حبيب كل ما طريت المفارق غاب
وتوارى في مداي وريحة ثيابي !
اثر هذي المنافي كلها أحباب
واثر كل الجهات تمر ب احبابي !؟