عيدك مبارك - خالد العتيبي
مرحبا باللي على الشعر حاديني حدي
يوم سهَى اللي ورى العوج عن رد السلام
ياصباح الليل مدري مسى الصبح الندي
عيدك مبارك بشوال واجمادى الصيام
لاتلوم الهرج لاضاع وانكرت جهدي
ضاع قبل الهرج راعيه مافيها كلام
ول وليت ووراك انت ياطول سهدي
لارحم حَيك بليت ابك والبراق شام
معك ماشالله ولامعك مشي وعدي
انت نور وتلَع الجيد مع زينك ظلام
كان للعفة وللزين والرفعة شدي
فـ أنت معه انهيت حولين وأكملت الفطام
وانت غير بلا مشابه ولاحولك لدي
فتنة يلهم هل الشعر منك الابتسام
في خدودك مطلع سهيل وطلوع الجدي
والنحر شمس وسنا الوجه للبدر التمام
في ذرى ليل تقرّبه مرة ويغدي
والعيون ازرت تساهرك وازرت لاتنام
والشفايف جمرتين على جال بردي
ذوبها خمرة بلا سكر بلا مدام
شارب فيك البرنزي شراب اللي صدي
حاكم فالشهيد والملح حكم مايرام
وان ذكرت الطول واللول والا العسجدي
والحجاج وكسرة الرمش عضيت البهام
قلت سمعني وأنا وين ومنين أبتدي
وانت كل الشعر بحره وقافيته هيام
التغزّل قبل شوفتك شفت انه ردي
والتغزّل بعد شوفتك عن غيرك حرام
وانت ماتبغاني أقول فيك ولاهدي
مسمعك بيتين من قلب ياحلو اللثام
واح من عوج مع الوصل ماينحل فدي
وآه من تاللي عروق على وصلك حيام
يا اشعل العين أول القصد وأقصى مقصدي
والله اني وان بدى الحق ماتحته خصام
شاعر شعري قبيلة من الجن تحدي
من قبيلة توم للمجد وعلو المقام
شعرهم والفعل منهم بوجه المعتدي
أقطع من النار وأمضى من اورود الحسام
مير رهفت المعاني لوجهك يابعدي
جعل تفهمك انت والا انت فهمك مايضام