مرباع - خالد العتيبي
والله اني من فراقك يا المهيض
يابعد برق القوافي يوم ناض
لا سليم فالغرام ولا مريض
لين ضيعت الطوال من العراض
ابتديتك باللحون امن القريض
وانتهيتك وازرق الدمعه شواض
كل ماعنيت لي قلت الحظيظ
من تلوى بك نهارالشوق هاض
ودي اسرق مبسمك والله حفيظ
وإن زعلت اشوي من هاذي تقاض
فيك ملح وفيك حلو وبالنقيض
جامع عذب السواد مع البياض
فيك لين وفيك دل وفيك ريض
وانت واللي جابني لك ماتعاض
مبدي فيك البها شي يغيض
تالعات الجيد خرسات اللحاض
كل ما مليت بالعود الغضيض
وابتلت قذلتك بالسود الغواض
عودت كل الليال السود بيض
واصبحت هدف المحاني لك فياض
مدهل لك بين مرباع ومقيض
لو انا خابرك للبلوى حياض
وان بغيت العلم بالمعنى العريض
وين أنا وين أنت ياليل الرياض