أنا كذا - رشيد الدهام
يابعد من قلبك عشقت وعشقني
أقول لك لو قلت: (( صدقت) (؟(( صدقت))
واقول لو ماقلت : ((واللي خلقني..
اشتقت لك))..((واللي خلقني لك اشتقت))
انت اضمنك والشك بك مالحقني
لاشك لو كنت اضمنك مااضمن الوقت
حبل الرجا لو ماقطعته شنقني
وحبل الوصل لو ماعقدته تطلقت
مدري وش اللي في كلامك خنقني
كنّك بكل حْبال صوتي تعلّقت!
كتمت صوتي لين صمتي نطقني
وعتّمت شوفي لين بالقلب برقّت
في حزني اللي لو ملكته عتقني
وفي طبعي اللي لو فشلته تفوّقت
أنا كذا من يوم ربي خلقني
مااعرف اوسّع خاطري لاتضايقت