من ازين ما نشوف .. - رشيد الكثيري
خلّها ويّاي تبقى لي هنوف
لا تجادلني على هرج العناد
خلّها عندي .. وبعيوني تشوف
خلّها .. هي ناري إن هبّ البراد
يا عسى قلبه على قلبي عطوف
يحضنه في حب واشواق ووداد
واقضي العشره معه صيف وصيوف
والشتا والبرد وايّام الشداد
وجهها بدرٍ ولا جاه الخسوف
والشعر ليلٍ يغطّيه السواد
وخدّها السرّاق .. من حلو القطوف
والنحر برّاق .. من دون القلاد
صارت بوصفه من أزين ما نشوف
هي منالي في حياتي والمراد