ودي بلحظة وصلك - رشيد الكثيري
ودّي بلحظة وصلك .. إن كان ودّك
ون كان ما ودّك .. ترى البعد ودّي
ون تاه قلبي وسط .. جزرك ومدّك
رميت حبّك بين .. جزري ومدّي
شحّيت في حبّك .. وقربك .. وودّك
وانا عطيتك كل .. حبّي وودّي
وجازيتني بالصد .. يا شين صدّك
وشلون عنّي يا حبيبي تصدّي
ان كان قلت ظروف الأيام ضدّك
أنت .. وظروفي .. والزمن .. دوم ضدّي
يا ليت جدّي .. يا هوى البال جدّك
أو ليت جدّك .. يا هوى البال جدّي
أنت إن دخلت القلب .. ماحدٍ يردّك!
وانا ان طرقت الباب .. ماحدٍ يردّي!
قلي وش اكثر شي .. فيني يشدّك؟
قلي واغيّر كل .. مابي يشدّك
ما عاد أبيك .. وقلبي اليوم هدّك
وان كنت شايف نفسك اليوم .. هدّي!
إعرف مقامك .. والزم اليوم حدّك
بدري عليك .. ولا انت بالحيل قدّي