مدري علامي - رشيد الكثيري
مدري علامي صرت ضايق ومليت
قعدت افكر في زمانٍ مضالي
ثم سال دمعي فوق خدي وصديت
صدة حزينٍ غربلته الليالي
لا شك انا منساك مهما تناسيت
ولرقمك ارسل كل ما ضاق بالي
وردّ على الأبيات السابقة " رشيد الكثيري " , يقول :
يا صاحبي بالحيل اشوفك تشكيت
تشكي علي وما جرالك جرالي
تشكي علي الحال وتقول مليت
لا بارك الله في هموم الليالي
ما شوف انا منك القطاعة الى اقفيت
ترسل وتاصل كل ما جا مجالي
يا طير ياللي في سما الله تعليت
يومنك اتحوم السما بالعلالي
تكفى الى منك على منيف مريت
سلم عليه ازكى سلام ومقالي
واقر البيوت اللي بالاقلام خطيت
على الذي جنسه قليل المثالي
منيف ياللي بالمراجل تحليت
ورثتها من طيب عمٍ وخالي
ورثتها من طيب ابا الروس واقديت
هاك الكريم اللي عزيزٍ وغالي
يا شيخ ياللي قبل وقتي توفيت
مرحوم ليت الله يجيب الدعا لي
مرحوم ياللي في ثرى المقبرة ميت
عساك مرحومٍ من اول وتالي
انا اطلب الله كل مااذن وصليت
قلبك من ذنوبه نقيٍ وخالي
وانا ادعي الله كل مااصبحت وامسيت
عساك بالجنة على كل حالي
لك عادةٍ لا حلوا ضيوفك اقريت
طاريك يرفع كل روس العيالي
وما خاب ظنك يومك منيف سميت
إسمه عليه موافقٍ بالعدالي
يا منيف ليت الحظ يا قف معك ليت
وياقف معي حظي بليا ميالي
انت الكريم اللي ليا منك اعطيت
نسيت ما حسبت صرف الريالي
مادامك افبيت المكارم تربيت
ما قلت انا شيٍ غريب المقالي
وصلوا عدد من زار ومن طاف بالبيت
على النبي ازهى البشر والرجالي
والمعذرة يومني بردي ابطيت
اظن ما يخفاك ظرفي وحالي