نجلا - رشيد الكثيري
آه يا من عشت ويّاها الحنان
في ليالي كنّها عندي ثواني
وآه يا من جتني بحلو الزمان
كنّي بجنّة ولاني في مكاني
وآه يا من خلّت أوقاتي مكان
وهي بنفس الوقت .. جتني في مكاني
يرتجف قلبي إذا دقّت وبان؟
إسمها بالهاتف .. وكبري نهاني!
قلت أحبك حب .. من قلب ولسان
واصدق من القلب يا نجلا لساني
قلت وانتي إزرعي فيني الأمان
طمّني قلبي بتحقيق الأماني
كنت يا نجلا مع الناس بكيان
وبعد ما جيتي .. قلبتي لي كياني!