جنت جنوني - رشيد عليّان البلوي
جنت جنوني يوم قلت رشيد ناسيك
لو اني انسى الكون انت عز الله منساك
افز من مكاني لجاني طيفك وطاريك
انا حتى بالدوام اتلذذ بذكراك
انت من هو المريض اللي يبي يجافيك
عز الله ما يعرف الحب من نوى يجفاك
انت حتى الورد يتسابق على مواطيك
ينتظر زلك يروح لجل يشم ماطاك
وانا اتمنى الموت دام ان الموت فيك
وانا اموت فيك واموت بسمك وطرياك
حتى حروف اسمي كل ابوها تناديك
الراء كنه يقول بس اتمنى رؤياك
والشين لا تلوم الشين لو الشين شاكيك
يشكي لنه تعذب يوم يشوف ممشاك
وحرف الياء يقول يا عسى الله يحييك
دام انه بأخر حروف الهجاء حياك
والدال هو دواك كان ودك يداويك
كم ليله يالغلا عن دوى الحب دلاك
هذي حروف رشيد ورشيد مجنون فيك
مابي حروفي يا حيات الروح بلياك