أبوي - رشيد عليّان البلوي
شخصيه كبيره بكتبها بين الاروق
يعجز عنها القلم من ثقل الكتابه
شيخ(ن) تلقاه يوم نشفات الارياق
طبع الرجوله فيه من أول شبابه
شيخ(ن) ما دونه كود قطع الاعناق
حتى شيوخ القبايل كلها تهابه
معزه وصلها في وسط الاعماق
محد(ن) يشبه له لو الاسود اتشابه
اليا قال كلمة كنها كسرت الساق
ما يتثنا الكلام وفيه نبرة صلابه
أبوي اللي له دروب الثقيلات تنساق
سوق الخيول الاصيله لحضرت جنابه
يشتاق للكرم والكرم لبوي يشتاق
تشهد له العرب فاتح للعرب بابه
مدت يمينه تاصل مصر ثم العراق
يعطي ولا يحسب للمعطى حسابه
بينه وما بين الطيب عهود وميثاق
وبعض الناس الطيب والله ما درابه
اليا دخل وقفنا والقلب خفاق
واليا جلس جلسنا بحسن وذرابه
واليا هرج سكتنا والكل مشتاق
يسمع سوالف لا سؤال واجابه
واليا وقف وقفنا مع صوت الاشهاق
واليا مشى أبو أحمد عنه بالنيابه
جيت لبلي رمزً للوفى والاخلاق
وجينا عليك حنى وكل القرابه
فيك افتخر والفخر فيك طواق
ويفخر فيك الفخر يوم انه حكابه
قال الفخر الناس عندي بالافاق
وأبوك نجم وبالنهار اكبر سحابه
ولغيره كل القصايد ما عاد تنطاق
كود القصيد اللي في حضرت جنابه