ليه - رشيد عليّان البلوي
ليه قلبك يرسم للعذاب انوع وشكال
ليه قلبك يحط العذاب اجمل وسيله
ليه طبعك صنع القسى بكل الاحوال
ليه أحس صدق المشاعر نسبه قليله
ليه فن التجافي طال بالحيل طال
ليه الحب بقلبك يا بنت ترخي سبيله
ليه تحسبين الدنيا بحب القوت والمال
ليه قلبك يعشق حب اليدين الطويله
يقول المثل قلبك فقد بمحبته رجال
الله وكيل قلبك وقلبي الله وكيله
وين اللي تريح الفكر وتريح البال
وين اللي اشيل قلبها وقلبي تشيله
وين اللي لجيت اقبالها تجي بقبال
وبلمسة راحت يدها كل حزن(ن) تزيله
مثل هذيك اللي ثبتت قلبي بالأغلال
مثل هذيك يا حسافه وين نلقى مثيله
حسبت حبها مدفون لاكن حبها ما زال
ونسيت الليالي بتحريك اشواقي كفيله
بنت(ن) ثقيلة عقل ما تحب القيل والقال
لو حسادها كثار تبقى بنت(ن) ثقيله
من صيتها الملموس تضرب للعرب امثال
ومن عذوبت صوتها تجذب بنات القبيله
ومن حسن لفظها تجاوبك قبل السؤال
وتسئلك نفس السؤال وتحسب إنه بديله
والله إنها كامله مكمله ولله الكمال
جميله حيل حيل وحيل حيل(ن) جميله
وخترتك تسكنين القلب بعد قصة الترحال
وانك تستملكيني وتكوني لقلبي حليله
دام قلبي على جال وقلبك على جال
عذرك بالجفى يا بنت وش هو دليله