وحيدات - ريمية
يا نوف يا عيني غدينا وحيدات
راح الونيس اللي ينوّر علينا
راح الصديق اللي نقاسمُه الاوقات
واللي معاه وفيه رحنا وجينا
لليل جياتٍ وللنور روحات
وللعمر سفراتٍ ولو ما بغينا
لا العين هجّاعه ولا القلب بيّات
طال المسا والفجر ما لدّ فينا
نحس به بالبيت ونحس الاصوات
منه على الغفلات تنده علينا
يا ما تخيّلناه ونهب عجلات
نبغى على البيبان تسبق حدينا
عقبه نحس احساس كل الوحيدات
اللي ببحر الخوف من غير مينا