نوف .. والمعلمة .. والرسم - ريمية
هذا زمان الصمت والشك والخوف
ومستّر الوجهين لو كان مكشوف
وشلون يقدر يدرك الصح عقلك
والحق متسلّط على العقل بسيوف
ويحرّم اللي ما تحرّمْه فطره
ويعرّف العالم ولا هو بمعروف
ويريدنا نبصم على الغيب بالموت
ونكذّب الواقع وحنا له نشوف
صار يتغابى الطفل ويحايد العود
ويخاف من لاعِرف في عمره الخوف
والقادم اكبر توّه الراس ما بان
ويبان في ساعه له العالم وقوف
والى هذاك اليوم ولساعة (الراس )
تعالي ارسم لك من البهجه قطوف
الرسم والتلوين لو هو محرّم
ما كان ربي لوّن الكون يا نوف
ولا كان ربي صوّرك آية الحسن
واعطاك قلب ٍ بالتلاوين مشغوف