وعودت وحدي - ريمية
قال غبتي :قلت :والله ما دريت
إن لغيابي حساب ٍ فـ بْعَدي
لو طرالي يوم لو مرّه دريت
كان ما وفّرت فـ الوصل جْهَدي
بايعه هالعمر كان إنك شريت
عَل فـ إحساسك مطاليع سعَدي
لكن إن فكرت بأحوالك طويت
عَنَك أمالي وعوّدت وحَدي
حولك الدنيا وانا دونك حفيت
حارسين وباب والحظ الردي
لا تعلقني معك باحساس ليت
تنهي كتاب العذاب وتبتدي
كل ما فكرت في قلبك بكيت
ليت ما ودي حباله في يَدَي