واصاحبي - ريمية
واصاحبي لو تطعم الناس قلبك
محد ٍ سأل عنك ولا أحد ٍ درى بك
غديت مثل الطير لو ينصقر بك
ماصح لك من صيدتك كبر نابك
حلقت لك مع سرب ماهو بسربك
ومشرّه البارود خفقة صوابك
ياحبيّبي والدرب ماكان دربك
مشيت به للقوم كم ينمشىبك
حظ الرجال وحظ من يبي شربك
عذب ٍ قراح وينطمع في شرابك
طيبك بلاك وصافي وينخشر بك
ولا شكيت الحال على مُر مابك
ياما سترت ببعد الأحباب قربك
وألبست عريان المعاني ثيابك
كم صاحبٍ لاوالمت له غدربك
أقرب قريب يردها في جنابك
خوفي عليك يزيد لا ما انعذربك
لو صار لك ماصار فيا مصابك
أنا معك بالنار وأحرب بحربك
وأنا معك بالجمر وأتلا أركابك
من لي سواك وقلبي المنصهر بك
يبكي لصمت الليل وحشة غيابك
ياعمري اللي (حصتك)تنجبر بك
تناهبوك وظل عوزك زهابك
أقرأ بوجهك حزنك ونار قلبك
وأسكت وأخاف أناقشك في عذابك