وسادتي واحلامي - زايد الرويس
طال الطريق بعبرتي وآلامي
وغاب القمر واخذ وراه نجومه
حلمي وراي ودمعتي قدامي
واخر سنيني بالولع مختومه
وانتي معي ما انتي معي فـ ايامي
كنك من ايام التعب مصدومه
فيك الظما يجري وقلبي ظامي
لو ما اعترف قلبك عرفت علومه
لا يشغلك جرح السنين الدامي
قلبي معك لو مانتب المقسومه
تذكرّيني يا الغرام السامي
وتذكري قلبٍ صحى من نومه
يوم ارتمى ف حضنك بليا رامي
يوم اشتعل بك وانطفى بهمومه
ما تذكرين وسادتي واحلامي
والبسمه اللي بالوله مرسومه
كنت اشتعل من هامتي لاقدامي
قبل اعرف ان الحظ هذا يومه
أمد يدي وابتسم لك نامي
وانتي خجلك يصبّبك ديمومه
واليوم شوفيني نديم اقلامي
اكتب قصيدي وازعله والومه
ليتك معي ليتك هنا قدامي
كان السنه باحساسنا مختومه