أنفاس الغياب - سامي الشرابي
( قبل الغياب )
جيت اشخبط / لك على جدار الصباح
قبل ما امشي / و أخذ أوراقي و أنام
السهر قطّع عيوني واستراح
واشتياقي زاد عن حد الكلام
في غيابك ما عرفت إلا الجراح
وفي حضورك ما جهلت إلا الخصام
مد كفك لا يطيح / من الصياح
شوقي . . اللي ما وصل حد الفطام
قلت / .. و صاحب القلب انشراح
قلت / .. وطار من كفي حمام
قلت / .. وفاح عطر الشعر فاح
من ثياب الأرض .. وكفوف الغمام
كل عام وأنتي بخير ونجاح
وكل عام وحبنا بخير وسلام
قبل ما امشي وأعطي ظهري للصباح
ببتسم لك / واشرب عيونك / و أنام
( بعد الغياب )
هذه خُطايه ..على أترابك
تثبت لك اني هنا .. مريت
جيتك .. وقابلني اغيابك
واخذت همي معي .. واقفيت
البيت .. نبضه جرس بابك
ومن يوم سافرت .. مات البيت
رتبت .. طيفك مع اطيابك
وسافرت بك لين .. ما ضليت
علقت حلمي على .. اهدابك
واسرفت لك حب .. واتّغليت
خطّيت لك بيت .. في بابك
اقراه .. لن جيت .. او مريت
الموت .. ماهو من اغيابك
الموت .. لا انكرتني لا جيت