هواجيس غيمه - سطام بن شفلوت
للغيم مرقاب وعيوني مشارف
ول السحب طاري والهواجس غيمه
ولذاكرة لايام فى البال طارف
ذكرى تجددني لو انها قديمه
كن الجفن من فوق الاهداب ذارف
دمع على الماضي بروحٍ يتيمه
اصحابنا معاد صارو معارف
واحبابنا منهم نشوف الظليمه
اللي نسونا نحسب انهم عوارف
واللي ذكرنا ذاكرتهم اليمه
صدق الزمن خداع والوقت حارف
والحب كذبه دون ايأت قيمه
صدر الدهر من جور الايام قارف
حتى ظلوع الصدر صارت خصيمه
ياه الخيال اللي على البال جارف
خل الفكر ارضِ تشفق لديمه
والى طرى لريح ذعذاع صارف
تبقى هواجيسي لطرقه مقيمه
الليل صندوق للاسرار عارف
والصبح وجه فيه لنور شيمه
والعالي اللي فيه ابرقا واشارف
اتمرني فيه الهواجيس غيمه