درس - سطام بن شفلوت
يانايف اترك سالفتهم عشاني
صم القلوب الي على هاجسي خرس
ياجعلهم فدوة طوال اليماني
واللي ليا مال الوضع قال له أرس
الى طلع كنه سهيل اليماني
ولا غاب يحسب له وانا محزمك ضرس
وان كنت تبغي اعلومي اخذ المعاني
هات القلم وكتب على صفحة الطرس
الدافع الي من زمان يحداني
اسعى لتحقيقه وانا عزوتك شرس
المسأله ماهيب حلم وأماني
او ملك بيت وجني مالٍ ولا عرس
لو كانت الغايه فما كنت عاني
ولا حفظت من الزمن للعمر درس
ولا تحديت بطموحي الزماني
ولا بالارض المالحه نبت لي غرس
انا ادري اني من شيوخ قحطاني
شيخه تساوي الروم وتعادل الفرس
اشوف في عيون الاوادم مكاني
ولا خذيت من العرب حاجة فرس
حقي ولي ماهوب والله لثاني
ومن دون حقي وقفتي ملعنت ترس
وقفة زمن ماهيب وقفة ثواني
منها اخلي الناس تاخذ لها درس