إحساس العالم - سعد بن سعود آل سعود
انا ما اقدر على الفرقا .. ولا تقدر على فرقاي
ولا غيرك ملا عيني .. ولا غيري ملا عينك
ولو طالت مسافاتك على دربك تسير خطاي
ينور دربك احساسي .. يوصلني عناوينك
تعال نجدد الماضي نعيش احلامنا بالجاي
اضم يدينك بقلبي واقول من الوله وينك
نعاهد حبنا ونعيش دنيا الحب يا دنياي
تكون اغلى من سنيني واكون اغلى من سنينك
حرام الوقت يسرقنا ولا تسمع صدى شكواي
نضيع عمرنا فالبعد وانت الوصل بيدينك
احب الحب من حبك وحبك روحي ومعناي
ولو اجمع جمال الكون كله.. ما وصل زينك
احس انك هنا عمري.. ورغباتي.. وكل مناي
تشوف احساس هالعالم.. احسه بيني وبينك