ذنوب الجفا - سعد بن سعود آل سعود
لو حبيبي بعد ما تذكر .. سئل
كان اكفر ذنوب الجفا واعذره
واكتفي من عيونه بنظرة خجل
وامسح دموع قلبٍ خفق ناظره
لا ظلمني بوصله ولا هو عدل
خايفٍ من عذابه واخاف اخسره
الليالي بعيني رضاها زعل
من يقول ان قمرا الجفا منوره
كل حزنٍ بليلة جفاه اكتحل
وانطفت نجمة للوفا .. تسهره
لو هجرني حبيبي .. لقلبي وصل
والله ان اهجر اللي يقول اهجره
ولو خُطا الوقت تظما بدرب الأمل
باقي في السما غيمة ممطره
لا تدارك حبيبي خطاه .. وسئل
ولا عذرته.. وانا كل يوم اذكره