جزء من الـ" حب " مفقود - سعود الصاعدي
صحّ المشاعر كلّها وانت راقد
ما ابيك تصحى والمشاعر بك رقود
كان المحبّة ما تشبّ المواقد
تبقى كذا : " * جزءٌ من النصّ مفقود " !!
صعبةٌ تجدني وانت للحبّ فاقد
والاصعب انّي فاقدك وانت موجود
امّا تدلّي لي نجوم وفراقد
وتصير حتّى رموش عينك لي جنود
والاّ يجي غيري من الناس عاقد
بسّ انتبه ! ما كلّ واحد لك : "سعود" !
ما جيت لك باحساس "شاعر وناقد"
الاّ وانا اقرا ما ورا عيونك السود
نفيت لاجلك كلّ حاسد وحاقد
وجيتك وطن ماله "تضاريس" وحدود