عنتر والثور - سعود بن بادي المرشدي
قالت تزوج قلت OK من وين
وكل شيء صار اليوم سعرة خيالي
المشكلة يمة ماهي اصلً وزين
وشعاد لو تلقين بنت الحلالي
لو كل خميس اسبوع تصوم واثنين
ومتوجة من فوق عرش الجمالي
انتي تبيني آخذ الدين بالدين
واورثة من عقب موتي عيالي
عندك خبر فيني يايمة وتدرين
شوفت عيونك طاقتي واحتمالي
لاجاء هذاك اليوم خمسه و عشرين
جاء للمشاكل عند بابي مجالي
مابين مسترفد يبي الفزعة وبين
ديان مايروى بصفر الدلالي
زيدي ايجار واخصمي قسط بالفين
ولوازمٍ ماغليت فيها الريالي
ولاقفت ليالي والشهر راح نصفين
ماودك ان القرم ياقف قبالي
اروح ماسوى لي مع الناس قرشين
وتكثر مشاويري ويكثر جدالي
والهندي البقال جعلة عمى العين
بس اتنحش عنة وادس حالي
ابعد الموتر عنة جعلة الشين
احرمني الوقفة بوسط الظلالي
ياليتني يمة من اهل الملايين
املك عقار وثروتي فالعلالي
يبلش الا جاء وصفها كل مسكين
اميبسن حلقة كثير السوالي
ماقول لاجات الفواتير بعدين
واشيل بوكً ياخذ ايام خالي
ولاطافني VXR فتحة سبيرين
كنة من الاسفلت جاية جفالي
ماردفت بالونة سوات المحبين
اللي تسامرهم نجوم الليالي
يمة انا ماقوى على العيشة الحين
تبيني اتزوج ويكثر هبالي
خليني صغير بعينك لي سنين
اصغر ويصغر كل همً فبالي
وابتخيبل والعذر منك تكفين
لو مايجوز لمثل سني خبالي
المال لوانة رجل يستحي دين
ماقل بايدك ياكريم السبالي
يودع الحرمة وداع المقفين
ويسحب على الخايب وينصى الرجالي
لكن ياعنتر سعوط المجانين
وش عرف الثور ابك يوم القتالي