قراء السماء - سعود بن بادي المرشدي
الشعر اظل اله الكثير وبالشعر ظلن شامخات
يموت شاعر والشعر يبقى لناسً هاوية
لاستيسرت صدري رياح واجتاح تفكيري شتات
اشوف شيطانه رقص فيني لحون وقافية
في حينها مايكسره صوتي مثل شح اللغات
ولا للغة شحٍ مثل صوت الحبل والسانية
مابين حرف وحرف حرف يفرض عليك الالتفات
وحروف تفرضها الجمل تملا حلوقاً قارية
مدري الفكر صب البجر بارضً يزين ابها النبات
والا البحر صب الفكر واروى عقولً ضامية
يقرا السماء بعض النجوم والارض تكتبها الجهات
والزاوية مهما يكون ماتشبه الا الزاوية
واللي جنى الفضة حكي وارخص ذهب حلو السكات
لو تستلذ اذنك معه اعرف تراها غاوية
ياذيب ياللي بالعوى فتق ضلوعاًحانيات
فيني تدور للدفى بس المشاعر عارية
ياذيب تدري بالحياة ماعقبها غير الممات
بس انت لامنك عويت كن المنية دانية
ياذيب والعمر ابتلا ياذيب والدنيا عظات
وطعون ملعون الزمن في جوف قلبي ساطية
ياذيب لو ان الغلا ينسى قلوب الامهات
ماظن ينسى ودها قلبً ضلوعه حانية
ياذيب دلعها الزمن بالحيل واطغتها الحياة
ياذيب ناظرها سماء ترقب بروقاً سارية
ياذيب زعلها البسيط ولا رضت بالمعجزات
واللة لو حبت صحيح كان برضاية راضية
مافكرت يومنهن وسط المراح معقلات
لين المطايا صدرت واخلت ثراها راوية
ياذيب والمنطق عسل والسم في كم العباة
اضحت فريسة تنتظر فرصة ذيابً عاوية
ياذيب لو ودي يموت علم ضلوعاً ممحلات
ماني بميت حبها لو المواجع دامية
اللي مصبرني على بعد السنين الماضيات
يبي يصبرني على بعد السنين الباقية
ياذيب لو ان الفحر يقنع ظهور العاديات
مايقتنع قلبً هوى في ذلها لو ثانية
ماذل نفسً زينها من زين هذيك الصفات
وبين الرجال اللي تنومسها المراجل رابية
ربيتها على النقاء والعز والعلم الثبات
ولاانحنى راسي ابد الا خضوع لبارية
امد رجليني ستر واشبع نواظيري سبات
ولااستلذ براحتي مع غوش ناسً لاهية
ضرتني الدنيا على خذ هات واللي فات مات
وانا بعيني حلوها مع مرها متساوية