ابو نوره - سعود بن بادي المرشدي
سلوتي وان جات مافيها طلايب
وش تساوي معك ياوقت التجني
باطرد الهاجوس ملعون الصلايب
يوم خيم في ضلوعي وامتحني
ساعة عنها ابد ماني بتايب
جعل يفداها زمانٍ يمتحني
الوسايد عندي كفوف السحايب
والنجوم الساهرات يسامرني
لا تنادوني انا هالوقت غايب
ما اسمع الا صوت ابو نوره يغني
يوم ردد في شجن صوت الحبايب
( الله اكبر ياعيونٍ ناظرني )
قمت ارد الصوت وبصدري لهايب
(ياسعد خبر زريف الطول عني )
ان سهمه في صميم القلب صايب
وانه اللي دون خلق الله فتني
شفت من بعده بهاذيل وعقايب
والركايب في دروبه ماتوني
ويش عذره في عطيبات الضرايب
الجروح اللي من اسبابه سطني
للوصل سبه وللفرقاء سبايب
والمراد الصعب ماجاء بالتمني
سامح الله فالخطاياء راس شايب
وارحم الله قلب محرومٍ يوني