محاكمة صدام - سعود بن بادي المرشدي
الهي طلبتك عن طريق الهدى لا ازيح
ورجلي عن الحق لاتجنب مواطيها
انا داخل بوجهك من الذل والتجريح
ومن طيحةً تفرح وجيهاً ادانيها
هبوب الزمان تسابقك ياهبوب الريح
تشيل الأوادم كل ساع وتوطيها
هل الخير تلقى لابغت خير هبة ريح
يقدم لها والطيبة حظ راعيها
وهل الشر تلقى شر ها ماتبي توضيح
يحيط المكر بأهل الردية ويفنيها
تهز المشاعر وقفة القائد الزحزيح
كسيراً يحاكم شيبتبة بلاويها
بعد وقفتة في حضرة العز والتلويح
تولتة قوماً ماقدر في دعاويها
مع الشلة اللي مايبي ذكرها تلميح
فروغ الرذالة ماحمتها مبانيها
بعد صارت الدعوى مثل موتر التشليح
ماعد فكت حلوق الرياجيل اياديها
قضا وقتها الاصلي وجت ركلة الترجيح
تزعل جماهير وجماهير ترضيها
الاصار ربان السفينة بلا تصريح
يوديك غبة موجها يلتطم فيها
طريقً عوج لوطال يحتاج لة تصحيح
وعينً تكحل بالقشر جعل