ياداره دوري - سعود بن بادي المرشدي
تعلا ياقصيدي لأ زهمتك في المواقف عون
ونجّم في سما حلو القوافي وأعذب لحونة
يا أجمل شيطنة تلقى لها من كل شكل ولون
تجي تعثى بصدرٍ ضمها من زايد المونة
لو اسكت عنك ياشيء بصدري صارهمي كون
تجبر واحكم القبضة على الخفاق وركونة
وانا لولا نفسك يعودني مع جرة الملحون
خطير اصير مجروح الزمان المر مطعونة
احرر بك اسيراً طوّل اسرة في رجاء يعفون
وافك الباب للكلمة بعد ماهي بمسجونة
اقول اللي ينسيني جنون وعالمٍ مجنون
والم الريح لاسراب الحمام وتنشد غصونة
احس اني نسيت اليا فتحت الباب للمكنون
وطويت الصفحة بصفحة بها الآمال مقرونة
تمرك يالسهر كل الجهات وتحترفك عيون
واجي في بال همي وافتح المقفول لضعونة
زمان وناس واضداد وشبيه وداين ومديون
وصبراً طال باله في رجاه ارواح مرهونة
لك الله مانولدت احياء الفتات ولاخلقت لهون
ولاسولفت لابواب السؤال بنفس محزونة
يظللني شجر قاعي والا شح الشجر ممنون
تساوى الموت مع لحظة سوال وذل ملعونة
دروبك يالوفاء تذكر خطاء من طبعهم يوفون
وطبع اهل الردى لو وردو ماردك يخطونة
يمدون الشمال المن يمد الهم يمين العون
وكيد الله اعظم لوبقى كيداً يكيدونة
سلى عن فعلهم خاطر خطر بافعالهم يبقون
تشد الهم ركايب تطوي البيدا على دونة
على دونه سمرت الجمرة اللي شبت الغليون
على دونه تعديت السحاب وجيت من دونه
على دونه عطا الدنيا عطت واللي عطتة الدون
على دونه على دونه بقى من صبرنا لونة
يادارة كثر ماود السهارى للفجر يشكون
كثر ماخابت ضنون وكذب حلمٍ يعيشونة
يادارة دوري باطفالٍ نسوا لاوجاعهم ينسون
يادارة دوري ودوري الين الحزن ينسونة
وعسى الله يحفظك يامن تقول اليا شكيت تهون
تقول تهون ويهون الصعيب بقول ياهونة
تمر انفاسها فالجمرتين وتستميل غصون
يذوب الشمع ويموت الحزن فيني وفرعونة
على شاني تصب الماء لملحة والسحاب جفون
وعلى شانة علا شان القصيد وجاد بفنونة
عليها كثر ماتطري سلام الخالق المسنون
سلامٍ يرتكز بين الضلوع العوج مضمونة
علي ابطت وانا ماشغلت فكري بالذي يبطون
ولكن الغلا يفرض على المغلين قانونة