ياللي تحب احيان - سعود بن بادي المرشدي
ياللي تحب احيان واتكابر احيان
مرات تنساني و مرة تنبة
تلعب على عقول وتراقص لك اوزان
وعقلك ياكثر اللي بعد قد لعبة
كم رقصك لحن وتغناك طربان
وتملك من الحس مايثير المسبة
بالأرض لون وبالسماء سبعة الوان
وفيك اكثر الالوان عيت تشبة
مابي غلاك ولاتحريت ولهان
ولاهمني منهو تود وتحبة
مابيك لاوالله ولاني بندمان
وان كان لي وداً بقلبك فكبة
ماني ضعيفً ينتظر مدة احسان
يفرح بفنجالً ترد وتصبة
والاخبيث يذل نفسة وينهان
يلهث وعقلة بين بطنة وعبة
ماهين نفسي واتذلل علشان
اكسب رضى واشفاق بأسم المحبة
بالحيل هم غلوك يابخس الاثمان
من يوم رجلك كل قاعٍ تطبة
غلطة زمانك ربحك وانت خسران
تبت يدا غلطة زمانك وتبة
وقتك معي ضايع يابو ضحكة جنان
ياللي فوادك كل ريحً تهبة
خذها صريحة وانسى شيءً معك كان
والحقد لي فالقلب بأوصيك ربة
تلقى من اللي عندة الوضع سيان
اللي تساوي فية مدحة وسبة