آخذ بي الفكر - سعود بن بادي المرشدي
آخذ بي الفكر صبح اليوم كم فرة
روابعٍ بين اصدقها واكذبها
اقول لالا وهم وآعاود الكرة
ياصعبها وسط فكرك يامحسبها
هملتني يارفيق العمر بالمرة
واخلفت كل الأمور اللي نظنبها
وانا خويك على الحلوات والمرة
ياحيف بعض المسايل لاتشحبها
اما يالاثنين فاللي يازن الذرة
والا طيوراً عشاها في مخالبها
نفسي طموحاً عزيزة عايشة حرة
ولانيب دايم على الهزلات ادربها
ولا اصاحب الا حراراً تكسب الدرة
ابطال قوماً تنومس من يصاحبها
يوم ان بعض العرب حلم العرب غرة
اخاف من كلمةً تخشى عواقبها
ماعمري اتبع كلام الناس والجرة
تجي على الكيف والا سهل اخربها
ماني بخبلً الا اقفى صاحبة ضرة
اموت زلة رفيقي ماهرجتبها
ويوم ان غير سهر سلالة وشرة
نفسً تروم الردية عند شاربها
كم ليلةً بتها والعين مسترة
واللي قصد حاجةً لازم يفوزبها