العلياء والغرابي - سعود بن بادي المرشدي
البارحة آليم النوم ويطير
كن السهر واقف على حد بابي
عيني تقول مدرجات لجماهير
تهتف ونوب من الهزيمة تبابي
لازم اندد واشجب الوضع واشير
حضرة جناب النوم همل جنابي
امتر الشارع من الضيق تمتير
والسهر مانوخ ولاتعب ركابي
من العلياء لين مقهى مشاهير
واحيان مدري غير وسط الغرابي
من قلة الدبرة وكثر المشاوير
يالهو بالي يافهد ياخرابي
الصاحب اللي لة نسوق المعاذير
وش يعذرة عقب الطمع في زهابي
قلنا ميامينً وعود مياسير
فعلة عن الخلاق ماهو بغابي
حظً يحطك بين بواق والبير
اطلب من الله فيه حسن الثوابي
الناس هذي ماتمنى لك الخير
لو بايدهم كان اسرعوا في ذهابي
باصبر عليهم صبر سارة على منير
واحيا الأمل حتى يشيب الغرابي