الفراق الهادي - سعود بن بندر

حاول وحاول ...يصير أفراقنا هادي
الله عطانا العقل حتى يعنينا

خل المقادير تمشي مشيها العادي
في عمرنا يفعل الله مانوى فينا

مافادتك دمعتك .. ماينفع عنادي
لاصار ربي حرمنا .. من بيعطينا

فرقا وصارت ولاتحزن على أبعادي
وأنا بحاول على نسيان ماضينا

ونبدأ حياة جديدة كلن بوادي
ياحسرتي ياغرام ... عشته سنينا

ياوحشه الليل .. في بعدك بلا رقادي
ويا طوله اليوم ماشفتك ولو حينا