متيم تالي الليل - سلطان الأسيمر
لاينشغل بالك ولا يضيق صدرك
هذا انا من حزن في هم في ضيق
ابك انت فوق الناس والناس حدرك
حبك بقلبي شامخ ٍ كنه طويق
قدرك تعرفه زين معروف قدرك
مكانته بين الحشا والمعاليق
يغري متيم تالي الليل بدرك
ويذوب صبح ٍ هام في بلة الريق
في ذمتي ما شافت العين ندرك
اقسم قسم في كل كل المخاليق
اهيم مع نفسي عن الكون وادرك
امرين ما تحتاج لي منك تعليق
انك وطن صدري والاضلاع جدرك
وأغفى على ضحكة عيونك ولآفيق
اموت بك قاع ٍ عشق طلع سدرك
واضمى لملحك ريح عطر ومواثيق
والا انا جمر ٍ على جال قدرك
نار ٍ تواكل للوجيه المطاليق
وتكفى دخيلك بس لا يضيق صدرك
اموووت ما يلحق على صدرك الضيق