شد الرحال - سلطان الأسيمر
شد الرحال وخل عنك السوالف
من راح دايم عادتي ماحسبله
ماني بناشد عنك وين انت ذالف
موضوعنا كف ٍ نُزع منه دبله
خالف وتُعرف وانت تعرف تخالف
تبغى كذا خبل ٍ على ساق خبله
ماعلموك اني من سنين حالف
ما طيح لو راسي همى غيث وبله
اذكر بأني كنت حاضر وسالف
حر ٍ مواكيده على الطلع قبله
واليوم اشوف الحس مُعدم وتالف
ماعاد يغريني على الوصل حبله
وأبسألك بالله كيف انتوالف
وانا اكتبك وتقول وش ينكتب له
عطني سبب واحد عشان إنتحالف
لو ان جرح القلب دونك نشب له
والا السوالف ماتفيد السوالف
الموت منهو راح ما أحد ٍ حسب له